වන පෙත තුලින් ආ කළු සෙවනැලි

රත් පැහැගත් සැන්දෑව ක‍්‍රම ක‍්‍රමයෙන් රාත‍්‍රී ඝනාන්ධකාරය දෙසට ඇදෙමින් තිබිණි. එහෙත් තවමත් එය මද අ\ුරක් යැයි කිව හැකි තැනක තිබිණි. ඉදිරියෙන් වු වනය අ\ුරු බිත්තියක් මෙන් පෙනිණි. ඒත් සමඟම ඒ අතරින් කරුවල ඡුායාවක් මෑත් වෙනු දැකිය හැකි විය. ඒ ඡුායාව අ\ුරු බිත්තියක් මෙන් පෙනී ගිය කරුවල වන ඉමෙන් මෑත් වෙමින් ඉදිරියට පැමිනෙමින් සිටියේය. එසේ ඒ අ\ුරු වන සීමාවෙන් මෑත් වූ ඒ අ\ුරු ඡුායාව ඉදිරියට එත්ම එත්ම ඒ හස්තියෙකු ලෙසින් හ\ුණාගැනීම අපහසු නොවීය. ඌ සිටියේ තනිවමය. ඒ අනුව වනාන්තරයෙහි හුදෙකලාව වෙසෙන අලියෙකු බව ද පැහැදිලි විය.

කිසිදු බියක් හෝ සැකක් නොගෙන මේ තනි හස්තියා එක එල්ලේම පැමිණියේ ඒ අසල වු ජල මුලාශ‍්‍රය වෙතට ය. ඌ ගමන් කළ විලාසයේ උදාරත්වයක් තිබිණි. තමන් ඇසින් දුටු විස්තරයක් එසේ ඉදිරිපත් කරන්නේ යටත් විජිත සමයේ දී රාජ්‍ය සේවය සඳහා මෙරටට පැමිණි ආර්. ඇල්. බ්‍රෝහියර් ය. පරිපාලන නිලධාරියෙකු වශයෙන් අප රටෙි ගත කළ ඒ කාල සීමාවේදී මෙරට භූමියේ වනාන්තර වැස්ම බහුල විය. ගම්මාන ද වනාශ‍්‍රිතව පැවැති ඒවා විය. ඉහත විස්තරය ඔහු අපට සපයන්නේද රාජකාරි කටයුත්තක් සඳහා වනාන්තරයක් මැදින් සිය සේවකයින් ද සමඟ ගමන් කරමින් සිටියදී ය. (බලන්න DISCOVERING CEYLON) ඒ විස්තරයේ එන අලි ඇතුන් පිළිබඳ ඔහුගේ නිරීක්ෂණය තවදුරටත් මෙසේ ඉදිරියට යයි.

ඒ අනුව වන පෙත අ\ුරෙන් එළියට ආ යට කීව තනි අලියා ජලයට බැස සිය සොඬ අග ජලයේ ගිල්වමින් යළි ඔසවමින් සිරුර පුරා විසිර යන සේ ඒ ජලය නිදහස් කරන්නට පටන්ගෙන තිබේ. නැවත නැවතත් ඒ දේ එසේම කිරීමට ඌ සුදානම් වුණත් වනය සොලවමින් මහා කුංච නාදයක් ඇසුනේ යැයි බ්‍රෝහියර් මහතා පවසයි. ඒත් සමඟම අර තනි අලියා තම කටයුත්ත මොහොතකට නවතා නිසොල්මන් වී ඇත. එතැනදී බ්‍රෝහියර් පවසන්නේ ඒ හඬ නැඟුවේ අලි රංචුවක ඉදිරියෙන්ම ගමන් කරන නායක හස්තියෙකුගෙන් බවයි. (ආර්. ඇල් බ්‍රෝහියර් මහතා මෙතැන් සිට ඉදිරිපත් කරුණු සංවාදයකට තුඩු දෙන අතර ඒ බව පසුවට එන විස්තර වලින් පැහැදිලි වෙනු ඇත.)

pinnawela elephant orphanage bathing copy

ඒ කුංච නාදය තමන්ට එරෙහිව එන අභියෝගයක් දැයි අර තනි අලියා සිතන ආකාරයක් ගැන බ්‍රෝහියර් අනුමාන කරයි. තවද ඒ හඬ මේ තනි හස්තියාට එරෙහිව නැගූවක් ද? එසේ නැත්නම් වන පෙත අවට අනතුරක් නැති බවට දන්වා සිටින සංඥාවක් ද? කෙසේ වුව මෙවැනි වනාන්තරයක වෙසෙන්නා වු සත්ව ප‍්‍රජාවකට මුලින්ම දැනෙන්නේ බිය යැයි ඔහු පවසයි. කුසගින්න සහ පිපාසය දැනෙන්නේ දෙවනුවට ය. ඒ කොයිහැටි වුණත් යට කී කුංච නාදයේ හඬ තුනී වී යන්නටත් පෙර තවත් හස්තියෙකු වනාන්තරයෙන් මෑත් වෙමින් ඉදිරියට එනු දැකිය හැකි විය. එහෙත් ඒ තනිවම නොව තවත් අලි් රංචුවක් ද සමඟිනි. බ්‍රෝහියර් මහතා පවසන අන්දමට රංචුවේ නායකයා දැවැන්ත පිරිමි හස්තියෙකි. රංචුවේ සියල්ලෝම ඒ දැවැන්ත පුරුෂ සෙවනැල්ල යටතේ ආරක්ෂාව ලබති. තවද ඒ නායක හස්තියා ජලය සහිත ඒ බිමට පැමිණ ඇත්තේ ද ආක‍්‍රමණයක් සිදු කරන කලෙක මෙනි. බ්‍රෝහියර් මහතාගේ එම විස්තරය කියවාගෙන යන විට විවාදාත්මත තත්ව මෙන්ම සිය පරිකල්පනයෙන්ම නොමඟ ගිය ස්වභාවයක් අපට දකින්න ලැබෙයි. එහෙත් ඊට එහෙිව විවාදයක් ඉල්ලා සිටීමට මෙහිදී අපි බලාපොරොත්තු නොවෙමු.

කෙසේ හෝ වේවා එසේ පැමිණි අලි රංඡුුවේ සාමාජිකයෝ මහත් සේ හඬ නඟමින් ජලයට බැස ගත්හ. ඒ රංචුව පසුපසින් තවත් රංචුවක් පැමිනි බවක් ද පවසන ඔහු ඒ තරම් විශාල අලි රංචුවක් එසේ එක තැනකට එකතු වීම ගැන සිය මවිතය ද පල කරයි. කෙසේ වෙතත් සාමකාමී ලෙස පැමිණි රාත‍්‍රීයක් මහත් ගාලගෝට්ටියක් බවට පත් කිරීමට ඒ මොහොතේ දී ඒ අලි ඇත්තු සමත් වූහ. මේ අවස්,ථාවේ දී මුලින් ම පැමිණි හුදෙකලා අලියා ගැන ද සඳහන් කරමින් බ්‍රෝහියර් මහතා පවසන්නේ ඌ තවමත් සිටින්නේ තනියම බවත්, සිය වර්ගයගෙන්ම සැදුණු රංචුව හා එක් වීමට කිසිම අදහසක් නැතුවාක් මෙන් පසුවන බවත් ය. තවද ඔහු එසේ කියන්නේ ඒ මක් නිසාද යන විපිළසරතාවෙන් ද යුතුවය. එහෙත් පසුව ඊට පිළිතුරක් ලෙස එය වනාහි ලේඛණගත නොවු වනාන්තර නීතියේ ප‍්‍රතිඵලයක් යැයි ද පවසන ඔහු එසේ අර සාමුහික සමාජයෙන් ඌව පිටමං කොට තිබීම, ඒ තනි අලියා ලද දඬුවමක් ලෙසින් ද කල්පනා කරයි. ඒ ඒ ආකාරයට සිය වර්ගයාගෙන්ම වෙන් කිරීම නිසා උපන් විළිලැජ්ජාවක් සහ කලකිරීමක් ඒ තනි අලියාගේ මුහුණුවර පුරා දකින බ්‍රෝහියර් මහතා ඒ බව ඌගේ සෑම ඉරියව්වකින්ම ප‍්‍රකාශ වුණේ යැයි ද පවසයි. සිය කෘතිය ලිවීමේ දී මේ උගත් පරිපාලන නිලධාරියාට උසස් පරිකල්පන ශක්තියක් තිබු බවක් පෙනී යතත් ඊට සාපේක්ෂව අලි ඇතුන් ගේ වනාන්තරවාසී හැසිරීම් ගැන එතරම් අවබෝධයක් තිබී නැති බවක් ද පැහැදිලි වේ. අනිත් අතට ඔහු මේ විස්තර සපයන්නේ වන ජීවි පැවැත්ම සම්බන්ධයෙන් ප‍්‍රාමාණික උගත්කමක් ලද හෝ පර්යේෂණ මට්ටමින් කටයුතු කළ අයෙකු වශයෙන් නොවේය යන්න ද සිහි තබා ගැනීම වැදගත් ය.

20090721-YE0M3026-Udawalawe-2009-07-21

කෙසේ හෝ වේවා පසුව ආ කණ්ඩායම් සාමාජිකයන් ජල කෙළියෙන් මහත් සේ විනෝදයක් ලබද්දී මුලින්ම එහි ආ තනි අලියා තනිවම එතැනින් ඈත් වෙමින් නැවත තමන් ආ වනාන්තරය දෙසටම ගමන් කරනවා බ්‍රෝහියර් මහතා දකියි. එහෙත් ඒ අතරම ඉවැසිය නොහැකි දඟකාරකමන් නිසා වැඩිහිටියෙකුගෙන් පහර කා පැටවෙකු කළ කෑ ගෑම, හොඬවැල් සමුහයකින් හාත්පස සිසාරා පැතිරී යන ජල වර්ෂාව චමත්කාරජනක දර්ශනයක් තමන් හමුවේ නිර්මාණය කළේ යැයි ද ඔහු පවසයි. තවද කොතෙක් බලා සිටියත් වෙහෙසට පත් නොවන දර්ශනයක් ලෙසින් ද ඒ ගැන ඔහු ලියා තිබේ.

ඒ කෙසේ වෙතත් දැඩි වෙමින් පැවැති අන්ධකාරය නිසා තවදුරටත් වනයේ රැුඳී සිටීම ට වඩා ඉන් පිව යාම නුවණට හුරු යැයි බ්‍රෝහියර්ට වැටහෙන්නට විය. මේ අතර තනිව සිටි අලියා තනිව, සැඟවෙමින් මෙන් වනාන්තරය සෙට යාමට පැමිණෙමින් සිටියේ මේ ඉංග‍්‍රීසි ජාතික පරිපාලන නිලධාරියා සහ ඔහුගේ පිරිස සිටි දෙසිනි. ඒත් සමඟම ඌ සිය හොඬය ඉහළට ඔසවා ගෙන එහි තුඩ හකුළුවමින් විහිදුවමින් මිනිස් ගඳ ඉව කරන්නට වුයේ වල්ගය සෘජුව පොළවට ලම්බකව තබා ගනිමිනි. එහෙත් ඊලඟ මොහොතේ වේගයෙන් වනය තුළ වැදී අතුරුදහන් වී ඇත. උගේ ඒ හැසිරීම අනතුරු සංඥාවක් ලෙසින් ගත් ජලයේ බැස සිටි සෙස්සවුන් නායකත්වයේ තීරණය කුමක්දැයි දැන ගන්නා තෙක් ලතවෙන බවක් පෙණිනි. එහෙත් ඒ අතීරණය එක් මොහොතකින් තීරණයක් බවට පත් කිරීමට බ්‍රෝහියර් මහතාගේ සේවකයින් එක් වී කළ කෑ ගැසීමට හැකි විය. වනාන්තරයේ කොළ අතු පොඩි පට්ටම් වෙන හඬ බොහෝ වේලාවක් යන තුරු ඇසුණේ යැයි ආර්. ඇල්. බ්‍රෝහියර් ඒ සටහන අවසන් කරමින් පවසා තිබේ. ඉන් පසුව වනාන්තරය පුරා පැතිර ගිය නිශ්ශබ්දතාව අද්භූත බලයකින් ඇති වුණාක් වැනි යැයි ද එහිම සටහන් වී තබේි.

safari3

ආර්. ඇල්. බ්‍රෝහියර්ගේ ඉහත විස්තරය අලි අතුන් සම්බන්ධයෙන් සිදු කළ නිවැරදි හැදෑරීමක් නොවුණත් ඒ තතුන් සිය පරිණාමීය අත්දැකීම තුළ පිලිගත් සමාජ සංවිධානයක් ගොඩ නගාගෙන ඇති ආකාරයක් පෙන්වා දෙයි. කෙසේ වෙතත් ඒ සම්බන්ධයෙන් නිවැරදි වටහා ගැනීමකින් තොරව එම සත්ව සමාජය ගැන සම්පුර්ණ හ\ුණා ගැනීමක් කළ නොහැකි බව ද ඒ විස්තරය විසින්ම අපට දැනුම් දෙනු ලබයි.

මොහාන් ශ‍්‍රියන්ත ආරියවංශ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s